Sumardagurinn fyrsti

Þá er sumarið formlega komið! Vonandi fáum við gott sumar, a.m.k. milt veður og þurrt! Það hefur svo mikið að segja. Annars keyrðum við hjónin upp að Elliðavatni í morgun og fengum okkur smá göngutúr. Veiðitímabilið hófst þar í morgun og maðurinn minn var spenntur að kíkja á aðstæður. Það voru þó nokkrir veiðimenn mættir á  bakkann og margir í göngu- eða hjólatúr í samkomubanni. Það rigndi á leiðinni en stytti upp um leið og við komum á svæðið. Það er mjög hressandi að fá sér göngutúr í fallegu umhverfi eins og við Elliðavatn. Þegar við komum heim fengum við okkur smá hressingu og notuðum að sjálfsögðu nýja (gamla) Rosenborg kaffistellið ...

.