Einstakt og áhugavert heimili

Innlitið að þessu sinni er til þekkts sænsks hönnuðar sem heitir Martin Brudnizki. RÚV sýndi þátt í vikunni sem heitir Innlit til innanhússhönnuða  (Indrednings Arkitekten) þar sem Martin sýndi heimili sitt í sveitahéraði sem tilheyrir London. Dásamlegt hús með sögu og lofthæðin spillir ekki fyrir en hún er 3,5 m. Lampa-skermarnir og púðarnir hans eru gordjöss. Brudnizki er talinn einn af bestu veitinga- og hótelhönnuðum sinnar kynslóðar.
Ég er vægast sagt dolfallin fyrir hönnun hans. Hann gaf út frábæra bók sem heitir Líf mitt í litum eða My life in Colors. Það er geggjað að sjá hvernig hann leikur sér með liti og mynstur. Ég væri svo til í að eiga rauðu borðstofustólana hans - þeir eru æði ...

Fallegt parhús

Sjarmerandi stíll þar sem nýju og gömlu er blandað saman. Skemmtilegur borðkrókurinn í eldhúsinu - flott að hengja myndirnar svona frá lofti og niður ...

Hugmyndir frá John Derian

Innblástur frá John Derian. Þurrkaðir blómvendir, há kerti og skúlptúrform af sveppum, jurtum og blómum. Hann leyfir hráefninu og fegurð náttúrunnar að njóta sín. Dásamlegar myndir og litir ...

Leikið með liti

Sjarmerandi innlit í 50 fm íbúð. Húsráðandinn sem býr einn ákvað að leika sér með liti. Stofan fékk bleikan lit, gólfin voru slípuð og máluð hvít. Baðherbergið var endurnýjað og fékk túrkísgrænan skugga. Eldhúsið var málað í himinbláum lit. Lofthæðin gerir mikið fyrir rýmið ...