Bækur til skrauts ...

Bækur þurfa ekki alltaf að vera lokaðar inn í bókaskáp eða standa þéttar í bókahillum. Þær geta verið hluti af skrautmunum í hillum og á borðum. Ég á til dæmis mikið magn bóka og meirihluti þeirra kemur frá föðurbróður mínum sem er bókbindari, þúsundþjalasmiður og mikill bókaunnandi. Hann færði mér til að mynda allt Laxness safnið (sumar í frumútgáfu), þekkt ljóðasöfn og fleiri flottar bækur. Mér þykir mjög vænt um þær og vil að þær séu sýnilegar. Ég hef lesið þó nokkrar þó að ég hafi ekki komist í gegnum þær allar. Þær komu sér sérstaklega vel þegar ég tók bókmenntaáfanga í háskólanum á sínum tíma :)

Fallegt er að raða saman tveimur eða þremur bókum og tylla þeim til skrauts á borði. Það fer allt eftir uppröðun annarra hluta. Þá er hægt að binda borða utan um þær eða setja ofan á þær fallegan hlut. Einnig getur bunki af tímaritum komið í stað bóka.  Eftirfarandi myndir gefa hugmyndir um uppröðun á bókum ...

                               Mér finnst þessi algjört æði - lampinn er geggjaður!

                        Hér má sjá flottar hillur úr barnaherbergjum ... Bækurnar setja mikinn svip :)

Ég varð að setja þessa inn - það var ekki annað hægt! Oh - mig langar í kisa!

Varð að setja þennan inn - hann er algjört æði!

           Hér kemur frábær hugmynd frá Soffíu sem heldur út bloggsíðunni Skreytum hús.is.

           Þetta eru servíettuhaldarar úr Ikea og eru notaðir undir bækur eða blöð!