Hvítt og sjarmerandi ...

í Melbourne í Ástralíu. Ég fann þetta flotta innlit á netinu og varð að setja það inn. Íbúðin er mjög sjarmerandi að mínu mati. Stíllinn er gamaldags og rómantískur ...

(Myndir: sjá House to Home)

Draumur rætist ...

Draumar geta svo sannarlega ræst hjá fólki sem heldur nógu fast í þá eins og hjá þessari fjölskyldu. Draumurinn var að eiga heima í gömlu húsi út á landi í kyrrðinni og rólegheitunum. Borðstofan er mjög sjarmerandi og þá sérstaklega bekkurinn. Eldhúsið er hvítt og látlaust og poppað upp með lituðum stólum. Mér finnst baðkarsfæturnir algjört æði;) Gamaldags og hlýlegur stíll ...

(Innlit: sjá boligpluss.no og klikk.no)

Veggplattar ...

geta verið flott veggskraut eins og þessar myndir sýna. Það er um að gera að dusta rykið af gömlum diskum sem leynast inn í skáp og láta hugmyndaflugið ráða för. Þar með erum við búin að finna þeim nýtt hlutverk. Þá fást fallegir diskar í versluninni Borð fyrir tvo á Laugavegi, t.d. úr Pip Studio eða Bunzlau línunni. Einnig er um að gera að fara á nytjamarkaði - þar leynast oft gersemar ...

(Myndir af netinu)

Fallegt sveitasetur ...

í hvítum stíl. Setrið er dásamlegt  - svo sjarmerandi og kósý. Gamlir munir eru notaðir í bland við nýja - mjög heillandi að mínu mati ...

(Myndir: sjá House to Home)

Blóm í könnu ...

Það er skemmtilegt að leika sér með blómaskreytingar. Gaman er að nota gamla könnu eða gömul ílát í stað hefðbundins blómavasa eða blómapotts. Margar hugmyndir er að finna á netinu eins og þessar: